नेपाल आउँदै भाजपा विदेश विभाग प्रमुख विजय चौथाइवाले

भारतीय जनता पार्टी (भाजपा) का विदेश विभाग प्रमुख विजय चौथाइवाले नेपाल आउँदै छन्।  धनगढीमा आयोजित मानसखण्ड सांस्कृतिक सम्मेलनमा सहभागी हुन चौथाइवाले सुदूरपश्चिम प्रदेशको धनगढी आउन लागेका हुन्।

आज बेलुकी सडकमार्गबाट सिधै धनगढी आउन लागेका चौथाइवाले सोमबार हुने मानसखण्ड अन्तर्राष्ट्रिय सम्मेलनको समापन समारोहमा सहभागी हुने छन्।

सूदूरपश्चिम सरकार र सुदूरपश्चिम विश्वविद्यालयले भारतको उत्तराखण्ड सरकार र कुमाउँ विश्वविद्यालयको सहयोगमा अन्तरर्राष्ट्रिय सहयोग परिषदले आयोजना गरेको तीन दिवसीय अन्तरर्राष्ट्रिय सम्मेलनमा दुवै देशका शिक्षाविद्, संस्कृतिविद् र मानसखण्डका शोधकर्ता रिसर्च स्कलरहरूको उपस्थिति रहेको छ।