थप १०६ जनामा कोरोना पुष्टि

नेपालमा गत २४ घण्टाको अवधिमा थप १०६ जनामा कोरोना भाइरसको संक्रमण पुष्टि भएको छ। १ हजार ४८८ जनाको नमुना परीक्षण गर्दा उक्त संख्याका मानिसमा संक्रमण देखिएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार आरटी पीसीआर विधिबाट ५४१ जनाको नमुना परक्षण गर्दा ६४ र एन्टिजेन विधिबाट ९४७ जनाको नमुना परीक्षण गर्दा ४२ जनामा संक्रमण पुष्टि भएको हो। यससँगै देशभर कोरोनाका संक्रिय संक्रमितको संख्या ४३५ पुगेको छ। यसमा आरटी पीसीआर विधिको मात्र संख्या समावेश छ।

गत २४ घण्टामा संक्रमणका कारण कसैको पनि मृत्यु भने भएको छैन। यसअघि मंगलबार र बुधबार लगातार १÷१ जनाको मृत्यु भएको थियो।

२४ घण्टामा ७४ जना कोरोनामुक्त भएर घर फर्किएका छन् भने ३१ हजार ५५५ जनाले खोप लगाएका छन्।