धौलागिरि आधारशिविरमा हेली एभरेष्टको हेलिकोप्टर दुर्घटना

धौरागिरि हिमालकाे  बेसक्याम्पमा हेलिकोप्टर दुर्घटना भएको छ। हेली एभरेष्टको ९एन–एएनबी (एएस–३५०) हेलिकोप्टर दुर्घटनामा परेको हो।

हेलिकोप्टरमा पाइलट प्रिया अधिकारी मात्र थिइन् र उनी घाइते भएकी छन्। उनलाई अर्को हेलिकोप्टरमा काठमाडौं ल्याउँदै गरेको नागरिक उड्डयन प्राधिकरणले जनाएको छ।

इटालियन बेसक्याम्पबाट धौलागिरि बेसक्याम्पका लागि उडेको हेलिकोप्टर बिहान ११ बजेर १ मिनेट जाँदा सम्पर्कविहीन भएको थियो। हेलिकप्टरको खोजीमा उडेको एयर डाइनेस्टीको विमानले उक्त हेलिकोप्टरलाई धौलागिरि बेसक्याम्पमा पल्टिरहेको अवस्थामा फेला पारेको त्रिभुवन अन्तराष्ट्रिय विमानस्थल नागरिक उड्डयन कार्यालयका प्रमुख प्रतापबाबु तिवारीले जानकारी दिए।