खोटाङमा दुई पुरुष मृत भेटिए
१ चैत २०७९ १४:२१
फाइल तस्बिर ।
खोटाङमा दुुई जना पुरुष मृत फेला परेका छन्। छुट्टाछुट्टै स्थानमा दुई पुरुष मृतावस्थामा फेला परेकाे जिल्ला प्रहरी कार्यालय खोटाङका प्रवक्ता इन्स्पेक्टर रोमन अर्यालले जानकारी दिए।
दिप्रुङ चुइचुम्मा गाउँपालिका-५ सप्तेश्वर छितापोखरीको वातिखुम बस्ने ४० वर्षीय उत्तम परियार मंगलबार मृत फेला परेका छन्। वातिखुमस्थित सडकमा उनको शव भेटिएको इन्स्पेक्टर अर्यालले बताए।
यस्तै खोटेहाङ गाउँपालिका-२ वाप्लुखाको मुखिताङ बस्ने ४५ वर्षीय कुलमान राई उनकै छिमेकी रामकुमार राईको घरमा सोमबार मृत अवस्थामा फेला परेका छन्।
मृतक दुवैको शव जिल्ला अस्पताल दिक्तेलमा पोष्मार्टम गरिएको र घटना सम्बन्धमा थप अनुसन्धान भइरहेको इन्स्पेक्टर अर्यालले बताए।
प्रतिक्रिया