पर्यटन उद्यमी शाहलाई ‘नेपाल सम्मान’
२४ फागुन २०७९ १८:४८
पर्यटन उद्यमी अभिषेकविक्रम शाह ‘नेपाल सम्मान-२०७९’ बाट सम्मानित भएका छन्। बुधबार अन्तर्राष्ट्रिय नारी दिवसको अवसरमा आयोजित एक कार्यक्रमबीच उपराष्ट्रपति नन्दबहादुर पुनले उद्यमी शाहलाई नेपाल सम्मानबाट सम्मानित गरेका हुन्।
सगरमाथा प्रतिष्ठान नेपालद्वारा आयोजित ‘नेपाल सम्मान-२०७९ एवं अन्तर्राष्ट्रिय नारी सम्मान-२०७९ समारोहमा नेपालमा पर्यटन व्यवसायको प्रवर्द्धनमा विशेष योगदान गरेको भन्दै शाहलाई उक्त सम्मान प्रदान गरिएको हो।
बेष्ट रिसोर्ट नेपालका निर्देशक शाह बहुचर्चित चन्द्रागिरि हिल्स लिमिटेडका पूर्वमहाप्रबन्धक हुन्। दुई दशकभन्दा लामो समयदेखि होटल तथा हस्पिटालिटिी क्षेत्रमा आबद्ध शाहले यसअघि पनि आधा दर्जनभन्दा बढी राष्ट्रिय तथा अन्तर्राष्ट्रिय पुरस्कार तथा सम्मान पाइसकेका छन्।
प्रतिक्रिया