लोकन्थलीमा बालिका बलात्कार अभियोगमा एक जना पक्राउ

भक्तपुरको लोकन्थलीमा बालिकालाई बलात्कार गरेको अभियोगमा एक युवक पक्राउ परेका छन्। जिल्ला दोलखा मेलुङ गाउँपालिका वडा नं. ५ घर भई मध्यपुर ठिमी नगरपालिका वडा नं. १ लोकन्थलीमा डेरा गरी बस्ने २३ वर्षका जय भन्ने श्री थापा पक्राउ परेका हुन्।

उनले फागुन ७ गते राति ११ बजे आफ्नै डेराकोठामा एक १७ वर्षीया बालिकालाई जबरजस्ती करणी गरेको अभियोग छ। पीडित बालिकाकी आफन्तले दिएको जाहेरीका उनलाई पुरानो ठिमीबाट पक्राउ गरिएको जिल्ला प्रहरी परिसर, भक्तपुरका डीएसपी कुमारप्रसाद मैनालीले बताए।

पक्राउ परेका उनीविरुद्ध जबरजस्ती करणी कसुरमा जिल्ला अदालत भक्तपुरबाट ६ दिनको म्याद थप गरी प्रहरी वृत्त ठिमीमा रोर थप अनुसन्धान भइरहेको डीएसुपी मैनालीले जानकारी दिए।