चितुवाको हड्डीसहित डडेल्धुरामा दुई जना पक्राउ
१४ फागुन २०७९ १३:१०
डडेल्धुराको अमरगढी नगरपालिका-५ बागबजारबाट चितुवाको हड्डी ४ किलोसहित २ जनालाई गए राति प्रहरीले पक्राउ गरेको छ ।
पक्राउ पर्नेहरूमा बाजुराको बूढीगंगा नगरपालिका-१० बस्ने २६ वर्षीय राजेन्द्र जैसी र खप्तडछेडेदह गाउँपालिका-७ बस्ने २७ वर्षीय वीरबहादुर वली रहेका छन्।
सुदूरपश्चिम प्रदेश अनुसन्धान ब्यूरो र जिल्ला प्रहरी कार्यालय डडेल्धुराबाट खटिएको प्रहरीले जाँच गर्ने क्रममा उक्त वस्तुसहित फेला पारी उनीहरूलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।
सम्बन्धित समाचार
प्रतिक्रिया