बढुवा भएका उपरथी, सहायकरथी र महासेनानीले पाए दर्ज्यानी चिह्न

नेपाली सेनामा मन्त्रिपरिषद्को माघ २३ गतेको निर्णयअनुसार उपरथी, सहायकरथी र महासेनानी पदमा बढुवा भएका सैनिक अधिकृतहरूले दर्ज्यानी चिह्न पाएका छन्।

प्रधानसेनापति प्रभुराम शर्माले बिहीबार सैनिक मुख्यालय जंगी अड्डामा आयोजित एक कार्यक्रमबीच उपरथीमा बढुवा भएका कृष्णदेव भट्टसहित सहायकरथीमा बढुवा भएका एक जना र महासेनानीमा बढुवा भएका चार जना सैनिक अधिकृतलाई दर्ज्यानी चिह्न प्रदान गरेका हुन्।

बढुवा भएका उपरथी कृष्णदेव भट्ट प्रबन्धरथी विभागको विभागीय प्रमुखमा नियुक्त भएका छन्।

दर्ज्यानी चिह्न प्रदान गर्ने कार्यक्रममा रथीहरू तथा अधिकृतहरूको उपस्थिति रहेको थियो।