बंगबन्धु शेष मुजिम ढाका म्याराथनमा नेपालकी पुष्पाले जितिन् स्वर्ण

बंगलादेशको ढाकामा शुक्रबार भएको बंगबन्धु शेष मुजिम ढाका म्याराथनमा महिलातर्फ नेपालकी पुष्पा भण्डारीले स्वर्ण पदक जितेकी छन्।

४२.१९५ किलोमिटर निर्धारित दूरी २ घन्टा ४८ मिनेट २ सेकेन्डमा पुरा गर्दै प्रथम भएकी हुन्। श्रीलंकाकी खेलाडी दोस्रो भएकी छन् भने नेपालकै वृन्दा श्रेष्ठ धानुक तेस्रो हुन सफल भएकी छन्।

पुष्पा बंगबन्धु शेष मुजिम ढाका म्याराथन २०२१ की पनि स्वर्ण पदक विजेता हुन् भने २०२२ को सोही म्याराथनमा कास्य पदक जितेकी थिइन्। पुष्पाले १३औं सागमा रजत पदक जितेर कीर्तिमानसमेत बनाएकी छन्।