झापाबाट काठमाडौं ओर्लेर बालकोट लागे राजेन्द्र लिङ्देन
१० पुष २०७९ १४:०७
राप्रपा अध्यक्ष राजेन्द्र लिङ्देन।
राष्ट्रिय प्रजातन्त्र पार्टीका अध्यक्ष राजेन्द्र लिङ्देन नेकपा एमालेका अध्यक्ष केपी शर्मा ओलीलाई भेट्न बालकोट पुगेका छन्।
झापाबाट काठमाडौं आइलगत्तै उनी ओली निवास बालकोट पुगेका हुन् ।
सत्ता गठबन्धनमा प्रधानमन्त्रीमा सहमति नजुटेसँगै अध्यक्ष लिङ्देन राजनीतिक छलफलका लागि झापाबाट त्रिभुवन विमानस्थल ओर्लेर सिधै बालकोट पुगेको राप्रपाका एक नेताले जानकारी दिए ।
आइतबार सत्ता गठबन्धनको बालुवाटारमा बसेको बैठक बिना निष्कर्ष सकियो । प्रधानमन्त्रीमा को अघि भन्ने विषय टुंगिन नसकेको हो। माओवादी केन्द्रका अध्यक्ष पुष्पकमल दाहालले आफूले पहिला प्रधानमन्त्री पाउनुपर्ने दाबी छाडेनन् र उनी गठबन्धन बैठक छाडेर बाहिरिएका थिए । उनी एमाले अध्यक्ष केपी ओलीलाई भेट्न बालकोट जाने भने पनि खुमलटारमै रहेका छन् ।
प्रतिक्रिया