आरजु भन्छिन्, ‘प्रधानमन्त्री शेरबहादुरजी बन्नुहुन्छ’
३ पुष २०७९ १९:१०
नेपाली कांग्रेसकी केन्द्रीय सदस्य तथा नवनिर्वाचित प्रतिनिधि सभा सदस्य आरजु राणा देउवाले शेरबहादुर देउवा नै आगामी प्रधानमन्त्री बन्ने दाबी गरेकी छन्।
आइतबार निर्वाचन आयोगबाट प्रतिनिधि सभा सदस्यमा निर्वाचित भएको प्रमाणपत्र लिएसँगै सञ्चारकर्मीहरूसँग संक्षिप्त कुराकानी गर्दै उनले आगामी प्रधानमन्त्री शेरबहादुर देउवा नै बन्ने दाबी गरेकी हुन्।
संसदीय प्रणालीमा संख्याको खेल हुने भन्दै उनले देउवासँग सांसदहरूको धेरै संख्या रहेको बताइन्। उनले ठूलो दल पनि नेपाली कांग्रेस भएकाले प्रधानमन्त्रीमा स्वाभाविक रूपमा देउवा हुने उल्लेख गरिन्। उनले पार्टीका अन्य नेताहरूले संसदीय दलको नेतामा आकांक्षा राख्नु स्वाभाविक भएको बताइन्।
उनले विगतमा देउवा नेतृत्वको सरकारले धेरै परिवर्तन गरेको पनि बताइन्।
प्रतिक्रिया