गण्डकीका खेलकुदमन्त्री मनाङे एकीकृत समाजवादी प्रवेश
१९ मंसिर २०७९ १९:०६
गण्डकी प्रदेशका युवा तथा खेलकुदमन्त्री दीपक मनाङे नेकपा एकीकृत समाजवादीमा प्रवेश गरेका छन्।
उनलाई सोमबार एकीकृत समाजवादीका अध्यक्ष माधवकुमार नेपालले पार्टीमा स्वागत गरेका छन्।
मनाङ प्रदेश सभा निर्वाचन क्षेत्र नं २ बाट स्वतन्त्र उम्मेदवारी दिएका उनी निर्विरोध निर्वाचित भएका थिए।
मनाङेले आफ्नो उद्देश्य र एकीकृत समाजवादीको नीति, सिद्धान्त र विचार मेल खाएकाले एकीकृत समाजवादीमा प्रवेश गरेको बताएका छन्।
गण्डकी प्रदेश सभामा अब मनाङे एकीकृत समाजवादीका एक्ला सांसद बनेका छन्। गण्डकीमा एकीकृत समाजवादीले २ सिटमा उम्मेदवारी दिएकोमा दुबै उम्मेदवार पराजित भएका थिए।
सम्बन्धित समाचार
प्रतिक्रिया