निर्वाचन शान्तिपूर्ण रूपमा सम्पन्न गराएको भन्दै बागलुङका एसपी ज्ञवालीलाई सम्मान
११ मंसिर २०७९ १३:३७
एसपी ज्ञवालीलाई प्रशंसापत्र प्रदान गर्दै मुख्य निर्वाचन अधिकृत जिल्ला न्यायाधीश डा. दिवाकर भट्ट।
जिल्ला प्रहरी कार्यालय बागलुङका प्रमुख प्रहरी उपरीक्षक (एसपी) दयानिधि ज्ञवाली सम्मानित भएका छन्।
मंसिर ४ मा सम्पन्न प्रतिनिधि सभा र प्रदेश सभा निर्वाचन स्वतन्त्र, निष्पक्ष, शान्तिपूर्ण र भयरहित वातावरणमा सफलतापूर्वक सम्पन्न गराएको भन्दै मुख्य निर्वाचन अधिकृतको कार्यालय र जिल्ला प्रशासन कार्यालयले एसपी ज्ञवालीलाई सम्मान गरेको हो।
निर्वाचनमा उत्कृष्ट व्यवस्थापन र शान्ति तथा सुव्यवस्था कायम गर्ने कार्यमा कुशलता एवं इमानदारितापूर्वक जिम्मेवारी निर्वाह गरेकाले एसपी ज्ञवालीलाई सम्मान गरिएको सम्मान प्रदायक कार्यालयहरूले जनाएका छन्।
एसपी ज्ञवालीलाई मुख्य निर्वाचन अधिकृत डा. दिवाकर भट्ट र प्रमुख जिल्ला अधिकारी रमेश ढकालले छुट्टाछुट्टै प्रशंसापत्र प्रदान गर्दै सम्मान गरेका हुन्।
दुई वटा प्रतिनिधि सभा निर्वाचन क्षेत्र रहेको बागलुङमा क्षेत्र नं. बाट राष्ट्रिय जनमोर्चाका अध्यक्ष चित्रबहादुर केसी र २ बाट शिक्षा, विज्ञान तथा प्रविधिमन्त्रीसमेत रहेका नेकपा माओवादी केन्द्रका देवेन्द्र पौडेल विजयी भएका छन्।
सम्बन्धित समाचार
प्रतिक्रिया