![Pardafas.com](https://www.pardafas.com/wp-content/uploads/2022/06/pardafas-logo.png)
चितवनः रबि, हरि र विक्रमको अग्रता कायमै
![clock](https://www.pardafas.com/wp-content/themes/pardafas/assets/img/clock-icon.png)
![चितवनः रबि, हरि र विक्रमको अग्रता कायमै](https://www.pardafas.com/wp-content/uploads/2022/11/Rabi-Lamichhane-1.jpg)
जिल्लामा रहेका तीन निर्वाचन क्षेत्रमध्ये दुई निर्वाचन क्षेत्रमा राष्ट्रिय स्वतन्त्र पार्टी (रास्वपा) र एक क्षेत्रमा राष्ट्रिय प्रजातन्त्र पार्टी (राप्रपा) को अग्रता कायमै रहेको छ । निर्वाचन क्षेत्र नम्बर १ र २ मा रास्वपा र क्षेत्र नम्बर ३ मा राप्रपाले अग्रता कायम राखेको हो ।
निर्वाचन क्षेत्र नम्बर १ बाट रास्वपाका हरि ढकालले आफ्नो अग्रता कायम राखेका छन् । उनले बिहानसम्ममा २८ हजार ८३ मत प्राप्त गर्दा नेकपा (एमाले) का सुरेन्द्र पाण्डेले २० हजार दुई सय ७५ मत प्राप्त गरेका छन् ।
गठबन्धनबाट उम्मेदवार बनेका कांग्रेसका विश्वनाथ पौडेलले १९ हजार एक सय ५१ मत प्राप्त गरेका छन् । यस क्षेत्रमा एक लाख ३९ हजार आठ सय ४५ मतदाता रहेका छन् । तीमध्ये ६८ दशमलव ७३ प्रतिशत मत खसेको छ ।
क्षेत्र नम्बर २ मा रास्वपा अध्यक्ष रवि लामिछानेले ४२ हजार दुई सय १४ मतका साथ अग्रस्थानमा रहेका छन् । सत्ता गठबन्धनका तर्फबाट उम्मेदवार बनेका उमेश श्रेष्ठले १३ हजार नौ सय २९ मत प्राप्त गर्दा एमालेका कृष्णभक्त पोख्रेलले १३ हजार तीन सय आठ मत प्राप्त गरेका छन् ।
यस क्षेत्रमा ६७ दशमलव तीन प्रतिशत मत खसेको छ । यस क्षेत्रमा एक लाख २४ हजार दुई सय १४ मतदाता रहेका छन् ।
पछिल्लो परिणामअनुसार चितवन ३ मा राप्रपाका विक्रम पाण्डेले अग्रता कायम राखेका छन् । उनले १९ हजार नौ सय ९७ मत प्राप्त गर्दा गठबन्धनबाट उम्मेदवार भएका माओवादी केन्द्रका डा भोजराज अधिकारीले ११ हजार दुई सय ९५ प्राप्त गरेका छन् ।
रास्वपाकी जीता बरालले नौ हजार तीन सय १७ मत प्राप्त गर्दा स्वतन्त्र उम्मेदवार दिनेश कोइरालाले छ हजार एक सय १७ मत प्राप्त गरेका छन् ।
सो क्षेत्रमा ६५ दशमलव ४१ प्रतिशत मात्रै मत खसेको निर्वाचन अधिकृत हरिसिंह धामीले जानकारी दिनुभयो । यस क्षेत्रमा एक लाख ४४ हजार दुई सय ८३ मतदाता छन् ।
प्रतिक्रिया