कालीकोटमा बम विस्फोट हुँदा दुई बालिकाको मृत्यु, तीन गम्भीर घाइते
१२ कार्तिक २०७९ १४:५७
फाइल तस्बिर।
कालीकोटमा बम विस्फोट हुँदा दुई जना बालिकाको मृत्यु भएको छ। तीन जना गम्भीर घाइते भएका छन्।
शनिबार बिहान करिब ८ बजे कालिकोटको तिलागुफा नगरपालिका–१० रानावाडास्थित कोदोबारीमा बम विस्फोट भएको हो।
जिल्ला प्रहरी कार्यालयका डीएसपी जयश्वर रिमालले बम विस्फोटमा परी दुई जनाको मृत्यु भएको पुष्टि गरे।
तिलागुफा नगरपालिका–१० बस्ने ४ वर्षीया झरना थापा र सोही ठाउँकी ४ वर्षीया सरस्वती रानाको मृत्यु भएको हो। झरनाको घटनास्थलमै र सरस्वतीको सुर्खेतस्थित प्रादेशिक अस्पतालमा उपचारको क्रममा मृत्यु भएको हो।
गम्भीर घाइते हुनेमा सोही ठाउँका ७ वर्षीय कमल थापा, ५ वर्षीया मुस्कान थापा र ३ वर्षीया दर्शना राना छन्। उनीहरूलाई हेलिकप्टरबाट उपचारको लागि सुर्खेतमा पठाइएको छ।
विस्फोट भएको बम नयाँ हो वा पुरानो भन्ने खुलेको छैन।
प्रतिक्रिया