माओवादी केन्द्रको स्थायी कमिटी बैठक बस्दै, बाबुराम र वामदेवका शर्तबारे छलफल हुने
१ भदौ २०७९ १२:२४
नेकपा (माओवादी केन्द्र) को स्थायी कमिटी बैठक बुधबार पनि बस्दैछ । बैठक दिउँसो १ बजे पार्टी केन्द्रीय कार्यालय पेरिसडाँडामा सुरु हुनेछ ।
बुधबारको बैठकमा माओवादी केन्द्रको चुनाव चिह्न लिएर निर्वाचनमा प्रतिस्पर्धा गर्ने नेपाल समाजवादी पार्टी र राष्ट्रिय एकता अभियानले राखेका शर्तहरूको बारेमा छलफल हुने बताइएको छ । साथै आगामी निर्वाचनको बारेमा पनि छलफल हुनेछ ।
नेकपा माओवादी केन्द्रको स्थायी कमिटी बैठक मंगलवार पनि बसेको थियो । मंगलबारको बैठकले डा. बाबुराम भट्टराई र वामदेव गौतम नेतृत्वको पार्टीलाई आफ्नै चुनाव चिन्ह दिएर चुनावमा जान दिने निर्णय गरेको थियो ।
सम्बन्धित समाचार
प्रतिक्रिया