विश्वविद्यालयहरूले विश्व बजारमा प्रतिस्पर्धा गर्नसक्ने जनशक्ति उत्पादनमा जोड दिनुपर्छ : प्रम देउवा
२६ साउन २०७९ १९:३२
फाइल तस्बिर
प्रधानमन्त्री शेरबहादुर देउवाले विश्वविद्यालयहरूले विश्व बजारमा प्रतिस्पर्धा गर्नसक्ने जनशक्ति उत्पादनमा जोड दिनुपर्ने बताएका छन् ।
बिहीबार काठमाडौंमा नेपाल प्राध्यापक संघले आयोजना गरेको ‘६० औँ वार्षिक दिवस/हीरक महोत्सव’ तथा ‘नेपालमा उच्च शिक्षा अवस्था र चुनौती विषयक गोष्ठी’ मा बोल्दै प्रधानमन्त्री देउवाले विश्वविद्यालयहरूले विश्व बजारमा प्रतिस्पर्धा गर्नसक्ने शैक्षिक जनशक्ति उत्पादन गर्नुपर्ने बताएका हुन् ।
उनले कुनै देशको विकास त्यस देशको शिक्षाको गुणस्तरले मापन गर्ने बताए । उनले विश्वविद्यालयहरूले अन्तर्राष्ट्रिय क्षेत्रमा विकास भइरहेको नयाँ ज्ञान र प्रविधिलाई आफ्नो पाठ्यक्रममा समावेश गरी दक्ष जनशक्ति बनाउन जोड दिनुपर्ने बताए ।
उनले विश्वविद्यालयहरूको शैक्षिक गुणस्तरलाई प्रतिस्पर्धी बनाउन प्राध्यापकह् प्रयत्नशील हुनु आवश्यक रहेको उल्लेख गरे । प्रधानमन्त्री देउवाले उच्च शिक्षालाई अनुसन्धानमूलक, जीवनोपयोगी, रोजगारमुलक बनाउनुपर्नेमा जोड दिए ।
उनले विश्वविद्यालयहरूका समस्याहरूलाई आपसी संवादमा समाधान गर्नुपर्ने बताए ।
सम्बन्धित समाचार
प्रतिक्रिया