भारतबाट घटेर आयो इन्धनको मूल्य
१६ साउन २०७९ १८:०७
भारतीय आयल कर्पोरेसन (आईओसी)बाट इन्धनको मूल्य घटेर आएको छ ।
सोमबार आयल निगमलाई प्राप्त नयाँ मूल्य सूचीअनुसार भारतबाट पेट्रोलमा १६ रुपैयाँ ८० पैसा र डिजल र मट्टितेलमा प्रतिलिटर १२ रुपैयाँ ४५ पैसा मूल्य घटेर आएको छ ।
यस्तै हवाई इन्धनमा ९ रुपैयाँ प्रतिलिटर र खाना पकाउने एलपीजी ग्याँसमा प्रतिसिलिण्डर ७८ रुपैयाँ घटेर आएको छ ।
भारतबाट मूल्य घटेर आए पनि नेपालमा मूल्य घट्ने नघट्नेबारे बोर्ड बैठकले निर्णय गर्ने निगमले जनाएको छ ।
प्रतिक्रिया