सञ्चारकर्मीहरूले प्रलोभन, भय र दबाबमा नपरी निष्पक्ष पत्रकारिता गर्नुपर्छः प्रम देउवा

प्रधानमन्त्री शेरबहादुर देउवाले लोकतन्त्रलाई बलियो बनाउन पत्रकारिता क्षेत्रले महत्त्वपूर्ण भुमिका खेल्न आवश्यक रहेको बताएका छन् ।

शुक्रवार हेटौंडामा आयोजित नेपाल प्रेस युनियनको ९औं महाधिवेशनलाई सम्बोधन गर्दै प्रधानमन्त्री देउवाले यस्तो बताएका हुन् ।
उनले आधुनिक प्रविधिको विकाससँगै सञ्चारमाध्यमले आफूलाई निरन्तर परिमार्जन गर्दै जानुपर्ने अवस्था आएको बताए ।

प्रधानमन्त्री देउवाले नागरिकमा सूचना फैलाउने काम पत्रकारिता क्षेत्रले गरिरहेपछि मिथ्या सूचनाको जोखिम बढिरहेकाले संवेदनशील र उत्तरदायी भएर अघि बढ्नुपर्ने आवश्यक्ता रहेको बताए । प्रधानमन्त्री देउवाले प्रमाणमा आधारित सत्यतथ्य सूचना प्रवाह गरी लोकतन्त्रलाई बलियो बनाउन सञ्चारमाध्यमको आवश्यक्ता बताए ।

सञ्चारकर्मीहरूले कसैको प्रलोभन, भय र दबाबमा नआई निष्पक्ष ढंगबाट पत्रकारिता गर्नुपर्नेमा देउवाको जोड थियो ।