आफैंलाई गोली हानेका भारतीय दूतावासका सुरक्षागार्डको मृत्यु

काठमाडौंस्थित भारतीय दूतावासमा कार्यरत एक सुरक्षाकर्मीले आफैंलाई गोली हानेका छन् । आज बिहान आफैलाई गोली हानेका ती सुरक्षाकर्मीको मृत्यु भएको दूतावास स्रोतले जानकारी दिएको छ ।

मृत्यु हुनेमा दीपक सिंह नाम रहेका व्यक्ति छन् । उनी भारतीय नै हुन् । घटनाबारे जानकारी दिएको र भारतीय पक्षले आफैं छानबिन गर्ने जनाएको प्रहरी स्रोतले जानकारी दिएको छ ।

मृतकको शव पोर्टमार्टमका लागि त्रिवि शिक्षण अस्पतालमा लगिएको छ । कुनै पनि देशको राजदूतावास वा महावाणिज्यदूतावासभित्र उनीहरूकै देशको कानुन लागू हुन्छ ।