शैक्षिक योग्यताको प्रमाणपत्र किर्ते गर्ने व्यक्ति पक्राउ
१४ असार २०७९ १८:१७
नेपाल सरकार भूमि व्यवस्था, सहकारी तथा गरिबी निवारण मन्त्रालय अन्तर्गत राष्ट्रिय सहकारी विकास बोर्डको संचालक पदमा नियुक्तिको लागि किर्ते प्रमाणपत्र पेश गरेको आरोपमा ललितपुरको थसीखेलबाट एकजना पक्राउ परेका छन् ।
पक्राउ पर्नेमा ललितपुर म.न.पा.वडा नं.१३ कुसुन्तीका ५३ वर्षीय माधव प्रसाद तिमल्सिना रहेका छन् ।
उनले पाटन बहुमुखी क्याम्पसबाट स्नातक तह उतीर्ण गरेको माधव प्रसाद तिमल्सिनाको नाममा जारी भएको चारित्रिक प्रमाणपत्र र त्रिविदर्ता नं. १४९१५-८९
को ट्रान्सकृप्ट किर्ते गरी गत चैत ६ गते निवेदन साथ राष्ट्रिय सहकारी विकास बोर्डमा पेश गरेका थिए ।
उनलाई केन्द्रीय अनुसन्धान ब्यूरोको टोलीले मंगलबार पक्राउ गरी अदालतबाट म्याद थप गरी थप अनुसन्धान गरिरहेको छ।
प्रतिक्रिया