महिलालाई हातपात गरेको आरोपमा लुम्बिनी प्रदेशकी स्वास्थ्य राज्यमन्त्री वली पक्राउ
१ असार २०७९ १०:३१
महिला तथा बालबालिकामाथि कुटपिट गरेको आरोपमा लुम्बिनी प्रदेशकी स्वास्थ्य राज्यमन्त्री बिमला खत्री वली पक्राउ परेकी छन् ।
मंगलबार बिहान तुलसीपुर उपमहानगरपालिका–५ बसपार्कको लालुमण्डीमा मीना भण्डारी बस्नेतको घरमा पसी उनी र उनको छोरीमाथि कुटपिट गरेको आरोप राज्यमन्त्री वलीलाई छ ।
केही अघि वली र मीनाका श्रीमान् एकराज बस्नेतसँग प्रेम सम्बन्ध रहेको बाहिरिएको थियो । घटनापछि स्थानीय आक्रोशित भएका छन् भने घटनास्थलमा प्रहरी परिचालन गरिएको छ ।
वलीलाई इलाका प्रहरी कार्यालय तुलसीपुरले नियन्त्रणमा लिई थप अनुसन्धान भइरहेको प्रहरीले जनाएको छ ।
प्रतिक्रिया