भूमिगतले बुझाएका हतियार गायब

Posted: नोभेम्बर 27, 2012 in By Deepak Kharel

शिव पुरी

तराईमा सशस्त्र संघर्षरत भूमिगत संगठनले आत्मसमर्पण गर्दा स्थानीय प्रहरीलाई बुझाएका हतियार तथा कारबाहीमा बरामद आधुनिक पेस्तोल समेत जिल्ला प्रहरीको प्रबन्ध शाखाबाट ‘रहस्यमय’ तरिकाले गायब भएको खुलेको छ ।

थ्री-फिप्टिन पेस्तोल ११ थान, भरुवा बन्दुक ४ थान, नलकटुवा पेस्तोल (टोटावाला) २ थान र प्रहरीको सर्वाधिक खोजीको सूचीका तराई आर्मीका केन्द्रीय अध्यक्ष मिस्टर जोनको साथबाट प्रहरी कारबाहीमा बरामद आधुनिक इटलीमा निर्मित पेस्तोल १ थान गायब भएको प्रहरी स्रोतले बतायो । प्रबन्ध शाखाबाट हतियार हराएपछि छानबिन गर्न बनेको जिल्ला प्रहरीको टोलीले तत्कालीन प्रहरी सहायक निरीक्षक काजी रानामगर प्रबन्ध शाखाको इन्चार्ज रहेको बेला ती हतियार गायब भएको प्रतिवेदनमा उल्लेख गरेको छ । छानबिन समितिका संयोजक डीएसपी रामकमल आचार्यले असई रानामगरको लापरबाहीले हतियार गायब भएको बताए । हतियार कहाँ र कसरी हराए भन्ने’bout समिति अन्योलमा परेको छ । २०६४ सालमा गायब भएको हतियार अहिलेसम्म फेला परेको छैन । जिल्ला प्रहरीले हराएका हतियार खोजतलासमा चासो नदेखाएको स्रोतको दाबी छ । त्यसबेला तराई आर्मी, जनतान्त्रिक ज्वाला र गोइत समूह, तराई कोब्रालगायत यहाँ संघर्षरत भूमिगत संगठनका २३ नेता तथा कार्यकर्ताले पार्टी परित्याग गरी स्थानीय प्रहरीसमक्ष २० भन्दा बढी थान हतियार बुझाएका थिए । प्रबन्ध शाखामा अहिले हतियार के-कति छन् भन्ने वास्तविक अभिलेख छैन ।

प्रहरी कारबाहीमा समेत भूमिगत संगठन तथा आपराधिक प्रवृत्तिका मानिसबाट ठूलो संख्यामा हतियारहरू बरामद भएका छन् । प्रबन्ध शाखामा रहेको हतियारको अभिलेख रजिस्टर समेतका केही पानाहरू च्यातिएको र केरमेट गरिएकाले शंका गर्ने ठाउँ प्रशस्त रहेको एक सुरक्षा अधिकृतले बताए । संवेदनशील मानिने प्रबन्ध शाखाबाट ठूलो सख्यामा थ्री-नटथ्री राइफलको गोली, थ्री-नटथ्री राइफलको ब्ल्यांक राउन्ड, एसएलआर राइफलको गोली राउन्ड, म्याग्नमको गोली राउन्ड, हर्नेटको गोली राउन्ड, म्याग्जिन, सर्टगनको गोली तथा छर्रा, माओवादी जनयुद्धका बेला बरामद भएको ३१०२२८०२ नम्बरको ठूलो चाइनिज पेस्तोल, र म्याग्जिन, मिनि चाइनिज पेस्तोल गोली, अटोमेटिक रिभल्भरको गोली र ग्यास ह्यान्ड गि्रनेड हराएका हो ।

त्यस्तै, पुरानो फलामे हतकडी, चाइनिज हतकडी, खुकुरी, मोटरसाइकल, मुद्दा शाखाले राख्न दिएको हातहतियारहरू, द्वन्द्वकालमा सुरक्षार्थ राखिएका पब्लिकको बन्दुक समेतको हातहतियार तथा गोलीगठ्ठाहरू रहस्यमय तरिकाले गायब भएका थिए । त्यसबेला प्रबन्ध शाखाको इन्चार्ज रहेका प्रसनि रानामगरको २०६६ भदौ ३ गते मृत्यु भइसकेको छ ।

प्रकाशित मिति: २०६९ मंसिर १२ ०९:४८

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.