बुहारीको ‘कन्यादान

Posted: March 8, 2011 in By Deepak Kharel

काठमाडौं, मूलपानीका महेश्वर वाग्लेले एकल जीवन बिताउँदै आएकी बुहारी सञ्जुको सोमबार ‘कन्यादान’ गरिदिए। सञ्जुको माइती बारा सिमरामा आयोजित वैवाहिक समारोहमा सिमरा नरबस्तीका यादव लामिछानेलाई बुहारी जिम्मा लगाएपछि कान्छा ससुरा वाग्लेले बेहुलाका बाबुलाई भने, ‘बुहारी होइन, छोरी जिम्मा लगाएको छु, मारे पाप, पाले पुण्य।’ दुई वर्षअघि मूलपानीका प्रकाश वाग्लेसँग सञ्जु (अर्याल) को विवाह भएको थियो।

सिमरा विमानस्थलमा एयर ट्राफिक कन्ट्रोलर विभागका कर्मचारी पतिको रक्तक्यान्सरबाट निधन भएपछि उनी डेढ वर्षयता एकल जीवन बिताउँदै आएकी थिइन्।
बुहारीको खुसीका लागि विवाह गराएको महेश्वरले बताए। ‘ऊ एकान्तमा गुम्सिएर बस्दा हामीलाई पीडा हुन्थ्यो,’ उनले थपे, ‘सञ्जुलाई हामीले छोरी नै मानेर विवाह गरिदियौँ।’
महेश्वर कन्यादानपछि आँसु खसाल्दै सोमबार साँझ राजधानी फर्किए। आफ्ना सासू-ससुरा नभएकाले सञ्जु काका ससुरा र परिवारका अन्य सदस्यसँग विवाहका लागि सिमरा आएकी थिइन्।
एकल महिलालाई पत्नीको रूपमा पाएपछि बेहुला लामिछाने न्याउली बाजाको तालमा विवाह मण्डपमै कम्मर मर्काई-मर्काई नाचिदिए। घरगाउँले र जन्तीतले पनि ताली ठोकेर खुसी साटे। ‘बाल्यकालदेखिकी साथीलाई जीवनसाथी बनाउन पाएँ,’ लामिछानेले भने, ‘उनलाई सुखसँग राख्नेछु।’
नयाँ जीवनसाथी पाएकोमा सञ्जु पनि खुसी थिइन्। ‘आखिर जीवन त चल्छ नै,’ उनले भनिन्, ‘उहाँले मलाई स्विकार्नुभएकोमा खुसी छु।’
लामिछानेका पिता चन्द्रकान्तले तीनै पक्षको सहमतिमा विवाह तय भएको बताए। दोहोर्‍याएर छोरीको बिदाइ गर्दा सञ्जुका पिता हरिप्रसाद अर्यालका आँखा रसाए। उनले छोरी स्विकार्ने केटा पक्ष र पहिलेका ज्वाइँ पक्ष दुवै परिवारलाई धन्यवाद दिए।
विवाह गराउने पण्डित रामहरि सापकोटाले तीन दसक लामो कर्मकाण्ड अनुभवमा आफूले यस्तो विवाह कहिल्यै नगराएको सुनाए। ‘यस्तो विवाह गराउन पाउँदा गर्व लागेको छ,’ उनले भने।

Advertisements
Comments
  1. gokarna thapa says:

    एकल जिवन बिताउदै आएकी सञ्जुको ससुरा महेश्वर वाग्ले,सञ्जुको पिता हरि प्रसाद अर्याल र सञ्जुसंग बिबाह गर्ने यादब लामिछाने को यस कार्य हाम्रो समाज रहेको कुसस्कार र कुरीतिको बिरुद्धको एक ऐतिहासिक कदम हो । यस्ता कार्यको प्रोहत्सान गर्नु सचेत नागरिको कर्तव्य हो ।

    Liked by 1 person

  2. Love Joshi says:

    अनुकरणीय कदम हो यो ।समाजमा नयाँ सोंच भएका मानिसहरुले यस्तै परिवर्तन ल्याउन भूमिका खेल्नु पर्छ ।

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s